Act 14 | Ndebele | STEP | Kwasekusithi eIkoniyuma , bangena ndawonye esinagogeni lamaJuda , basebekhuluma njalo kwaze kwakholwa ixuku elikhulu lamaJuda kanye lamaGriki.

1 Kwasekusithi eIkoniyuma ^a, bangena ndawonye esinagogeni lamaJuda ^b, basebekhuluma njalo kwaze kwakholwa ixuku elikhulu lamaJuda kanye lamaGriki. 2 Kodwa amaJuda angakholwayo ^c avusa athela umoya omubi emiphefumulweni yabezizwe ^d ngabazalwane ^e. 3 Ngakho bahlala isikhathi eside bekhuluma ngesibindi beseNkosini ^f eyafakazela ^g ilizwi lomusa wayo ^h, njalo ibanika ukuthi kwenziwe izibonakaliso lezimangaliso ngezandla zabo ⁱ. 4 Kodwa ixuku lomuzi lehlukaniswa phakathi; abanye basebesiba lamaJuda ^j, labanye baba labaphostoli ^k. 5 Kwathi sekulokuhlasela kwabezizwe lamaJuda kanye lababusi babo, okokubaphatha kubi lokubakhanda ngamatshe ^l, 6 sebekwazi ^m, babalekela ⁿ emizini yeLikawoniya ^o, eListra ^p leDerbe ^q, lelizweni elizingelezeleyo; 7 lakhona batshumayela ivangeli.

UPawuli utshumayela eListra

8 Njalo eListra ^r kwakuhlezi indoda ethile engelamandla enyaweni zayo, eyisiqhuli kusukela esizalweni sikanina, engazange ihambe ^s. 9 Yona yamuzwa uPawuli ekhuluma; yena eyijolozela ^t, ebona ukuthi ilokholo ^u lokuthi isindisiwe ^v, 10 wathi ngelizwi elikhulu: Sukuma, ume ngenyawo zakho uqonde ^w. Yasisukuma yathi lothu yahamba. 11 Kwathi amaxuku, ebona uPawuli akwenzileyo, aphakamisa amazwi awo ^x esithi ngesiLikawoniya ^y: Onkulunkulu behlele kithi befanana labantu ^z. 12 UBarnabasi basebembiza ngokuthi nguZewusi, loPawuli ngokuthi nguHermesi, ngoba yena wayengumkhokheli wokukhuluma. 13 Njalo umpristi kaZewusi owayephambi komuzi wabo, waletha izinkabi lemigaxo emasangweni ^aa, wafuna ukuhlaba umnikelo ekanye lamaxuku ^ab. 14 Kodwa abaphostoli ^ac uBarnabasi loPawuli besizwa, badabula izembatho zabo ^ad, baphoseka exukwini, bememeza ^ae 15 besithi: Madoda, lizenzelani lezizinto ^af? Lathi singabantu abalemizwa efanana leyenu ^ag, sitshumayela indaba ezinhle kini ukuthi liphenduke ^ah kulezozinto eziyize ^ai liphendukele kuNkulunkulu ophilayo ^aj, owenza izulu lomhlaba lolwandle lakho konke okukukho ^ak; 16 owathi ezizukulwaneni ezidlulileyo wayekela ^al izizwe zonke zahamba ngendlela zazo ^am. 17 Loba kunjalo kayekelanga yena ukuthi angabi lobufakazi ^an, ukwenza okuhle esinika izulu livela ezulwini lezikhathi zenala ^ao, egcwalisa inhliziyo zenu ngokudla ^ap langenjabulo ^aq. 18 Njalo bekhuluma lezizinto, bawayekelisa kalukhuni amaxuku ukuthi angabahlabeli.

UPawuli utshumayela eAntiyoki

19 Kodwa kwafika amaJuda ^ar avela eAntiyoki ^as leIkoniyuma ^at, encenga amaxuku, amkhanda uPawuli ngamatshe ^au, amhudulela ngaphandle komuzi, ecabanga ukuthi ufile. 20 Kodwa kwathi abafundi bembuthanela, wasukuma wangena emzini; kusisa wasuka loBarnabasi baya eDerbe ^av. 21 Njalo sebetshumayele ivangeli kulowomuzi, sebezuzile abafundi abanengi, babuyela eListra ^aw leIkoniyuma ^ax leAntiyoki ^ay, 22 beqinisa imiphefumulo yabafundi ^az, bebakhuthaza ukuthi bahlale ekholweni ^ba, lokuthi simele ukungena embusweni kaNkulunkulu ngezinhlupheko ezinengi ^bb. 23 Kwathi sebebabekele ^bc abadala kulo lonke ibandla ^bd, bakhuleka kanye lokuzila ukudla ^be, babanikela eNkosini, asebekholwe kiyo ^bf. 24 Basebedabula iPisidiya ^bg baya ePamfiliya. 25 Sebekhulumile ilizwi ePerga ^bh, behlela eAtaliya; 26 basuka lapho ngomkhumbi baya eAntiyoki ^bi, besuka lapho ^bj ababenikelwe khona ^bk emuseni kaNkulunkulu emsebenzini abasebewuqedile ^bl. 27 Kwathi sebefikile bahlanganisa ibandla, balandisa konke uNkulunkulu ayekwenzile labo ^bm, lokuthi uvulele abezizwe umnyango wokholo ^bn. 28 Basebehlala lapho okwesikhathi esingesifitshane labafundi.